Category: Bütün xəbərlər

Qars şəhərində keçirilən Türkiyə-Azərbaycan Regional İqtisadi Forumunda ASK-nın vitse-prezidenti, Naxçıvan Muxtar Respublikası Sahibkarlar Konfederasiyasının sədri və “Cahan Şirkətlər Qrupu”nun təsisçisi Vüqar Abbasovun rəhbərlik etdiyi nümayəndə heyəti və Kiçik və Orta Biznesin İnkişafı Agentliyinin (KOBİA) nümayəndələri iştirak ediblər.

Azərbaycanın Qarsdakı Baş Konsulluğunun dəstəyi, Türkiyənin Odalar və Borsalar Birliyi, Qars Ticarət və Sənaye Palatası və KOBİA-nın təşkilatçılığı ilə baş tutan forumda əsas məqsəd Naxçıvanın biznes və investisiya imkanlarının tanıdılması və sahibkarlar arasında əməkdaşlığın genişləndirilməsi olub.

Tədbirdə KOBİA sədri Orxan Məmmədov, Qars valisi Ziya Polat, Qars Ticarət və Sənaye Palatasının rəhbəri Kadir Bozan, KOSGEB sədr müavini Selim Serkan Ercan və digər rəsmi şəxslər çıxış edərək regional iqtisadi əməkdaşlığın əhəmiyyətini vurğulayıblar.

Forum çərçivəsində Vüqar Abbasov və nümayəndə heyəti Qarsda bir sıra müəssisələrə səfər edib, Türkiyəli iş adamları ilə ikitərəfli görüşlər keçiriblər. KOBİA nümayəndələri isə Qarsın rəhbər şəxsləri ilə görüşərək sərhədyanı ticarət və birgə təşəbbüslər ətrafında fikir mübadiləsi aparıblar.

Qeyd edək ki, forumda “Cahan Şirkətlər Qrupu”na daxil olan bir sıra şirkətlərin rəhbər heyəti də iştirak etmişdir.

Beynəlxalq Əmək Təşkilatının (International Labour Organization) Cenevrədə keçirilən Beynəlxalq Əmək Konfransının 113-cü sessiyası davam edir.

Sessiyada çıxış edən əmək və əhalinin sosial müdafiəsi naziri Anar Əliyev bildirib ki, son illər ölkəmizdə 4 milyon vətəndaşı əhatə edən 5 böyük sosial islahat paketi icra olunub. Minimum əməkhaqqı 3,1 dəfə, minimum pensiya isə 2,9 dəfə artırılıb. Orta aylıq pensiya və əməkhaqqında əhəmiyyətli artım baş verib, müavinət və təqaüdlərə ayrılan vəsaitin həcmi 5 dəfə artırılıb. Konfransda Naxçıvan Sahibkarlar Konfederasiyasının sədri, “Cahan Holding”in təsisçisi Vüqar Abbasov da iştirak edir.

Cahan Şirkətlər Qrupu 30 illik yubileyi və 1 İyun – Ümumdünya Uşaqlar Günü münasibətilə şəhid övladlarına həsr olunmuş xüsusi sosial tədbir keçirib.
Bu təşəbbüs həm gələcəyimiz olan uşaqlara, həm də Vətən uğrunda canını fəda edən qəhrəmanlarımızın əmanətlərinə ehtiramın parlaq təzahürüdür.

Tədbir çərçivəsində uşaqlara çoxsaylı hədiyyələr, eləcə də kiçik kitabxanalarını zənginləşdirmək məqsədilə müxtəlif yaş qruplarına uyğun kitablar təqdim edilib. Bu, həm sevgi dolu bir jest, həm də onların gələcəyinə ünvanlanmış ümid mesajıdır.

Layihə Cahan Şirkətlər Qrupunun sponsorluğu, Azərbaycan Respublikasının Mədəniyyət Nazirliyi, Naxçıvan Dövlət Universiteti və “SEVİNC” İctimai Birliyinin birgə əməkdaşlığı ilə həyata keçirilib.

Bu təşəbbüs bir daha göstərdi ki, dövlət, cəmiyyət və biznes bir araya gəldikdə, uşaqlar üçün atılan hər addım sabaha ümid işığı olur.

Mayın 7-də Dövlət Gömrük Komitəsinin rəhbərliyi ilə “Caspian Energy Club”un üzvləri arasında görüş keçirilib. “Caspian Energy Club”un sədri Telman Əliyev rəhbərlik etdiyi qurumla gömrük orqanları arasındakı əməkdaşlıqdan məmnunluqla bəhs edib, gömrük-biznes dialoqunun gücləndirilməsinin münbit biznes mühitinin formalaşması, xarici ticarət əməliyyatlarının asan və sürətli şəkildə həyata keçirilməsi baxımından mühüm əhəmiyyət daşıdığını vurğulayıb.

Dövlət Gömrük Komitəsinin sədri, gömrük xidməti general-leytenantı Şahin Bağırov gömrük-biznes münasibətlərində bütün mümkün imkanlardan istifadə etməklə xarici ticarət iştirakçıları ilə əməkdaşlığın gücləndirilməsinin əhəmiyyətindən bəhs edib. O da qeyd olunub ki, hazırkı mərhələdə gömrük xidmətində hazırlanan alətlər gömrük dəyərinin müəyyənləşdirilməsinin metodoloji əsaslarla həyata keçirilməsinə, müasir gömrük inzibatçılığı metodlarından istifadə etməklə mal və nəqliyyat vasitələri üzərində gömrük nəzarətinin səmərəli şəkildə təmin olunmasına imkan yaradır.

Görüş çərçivəsində “Caspian Energy Club”un yeni üzvlərinə sertifikatlar təqdim olunub. Qeyd edək ki, “Cahan Şirkətlər Qrupu”nun rəhbər heyəti də tədbirdə iştirak edərək sertifikatla təltif olunub.

Aprelin 30-da Naxçıvan Sarayda “Sahibkarlar Günü”nə və 2025-ci il Azərbaycan Respublikasında “Konstitusiya və Suverenlik İli”nə həsr olunmuş “Konstitusiya və suverenlik – Naxçıvanda sahibkarlığın inkişafı” mövzusunda konfrans keçirilib.

Tədbir, Naxçıvan Muxtar Respublikasında Azərbaycan Respublikası Prezidentinin Səlahiyyətli Nümayəndəliyinin dəstəyi, Naxçıvan Muxtar Respublikasının İqtisadiyyat Nazirliyinin və Naxçıvan Muxtar Respublikası Sahibkarlar Konfederasiyasının birgə təşkilatçılığı ilə baş tutub. İştirakçılar konfransdan əvvəl müasir Azərbaycan iqtisadiyyatının qurucusu olan Ümummilli lider Heydər Əliyevin abidəsini ziyarət ediblər.

Naxçıvan Muxtar Respublikasının İqtisadiyyat nazirinin müavini, nazir vəzifələrini müvəqqəti icra edən Abbas İsmayılov tədbiri giriş nitqi ilə açıb. Daha sonra “Sahibkarlar Günü”nə həsr olunmuş film, “İnvest in Nakhchivan” veb səhifəsi, eləcə də “Güzəştli maliyyə dəstəyi” mövzusunda təqdimatlar iştirakçıların diqqətinə çatdırılıb.

Konfransda Naxçıvan Muxtar Respublikası Sahibkarlar Konfederasiyasının İdarə heyətinin sədri, ASK-nın vitse-prezidenti Vüqar Abbasov çıxış edərək Konfederasiyanın fəalliyyəti və görülən işlər barəsində tədbir iştirakçılarını məlumatlandırıb. Qeyd edək ki, konfransda aidiyyəti dövlət qurumlarının rəhbər şəxsləri, sahibkarların ictimai birliklərinin nümayəndələri iştirak ediblər.

Aprelin 28-də Bakıda, Gülüstan sarayında Ümumdünya Əməyin Mühafizəsi Günü və ilk kollektiv müqavilənin 120 illiyinə həsr olunmuş “Rəqəmsallaşma və süni intellektin iş yerlərinə təsiri” mövzusunda konfrans keçirilib.

Əmək və Əhalinin Sosial Müdafiəsi Nazirliyi, Azərbaycan Sahibkarlar Konfederasiyası və Azərbaycan Həmkarlar İttifaqları Konfederasiyasının birgə təşkil etdiyi Konfransda rəsmi dövlət qurumlarının nümayəndələri, beynəlxalq təşkilatlar, sosial tərəfdaşlar və əmək münasibətləri üzrə beynəlxalq və yerli ekspertlər iştirak ediblər. “Bu mükafatlar bizim üçün təkcə fəxarət deyil, həm də daha böyük məsuliyyətdir. Əməkdaşlarımız üçün sağlam, təhlükəsiz və ədalətli əmək mühiti yaratmaq bizim başlıca məqsədimizdir” – deyə, “Cahan Holdinq”in prezidenti Vüqar Abbasov bildirib.

Bir neçə minədək əməkdaşın çalışdığı “Cahan Holdinq”, əmək münasibətlərində sosial tərəfdaşlığa, şəffaf idarəetməyə və beynəlxalq standartlara əsaslanan yanaşması ilə fərqlənir. Şirkət ISO 9001 beynəlxalq standartına uyğun nizam intizamlı iş şəraitinin təmin edilməsi, əməyin mühafizəsi, təhlükəsiz və sağlam iş şəraitinin təmin olunmasında nümunəvi fəaliyyəti ilə tanınır. Xüsusilə blokada şəraitində yaşayan Naxçıvan Muxtar Respublikasında əhalinin məşğulluğunun artırılması və sosial müdafiəsinin təminində “Cahan Holdinq”in rolu böyükdür. Şirkət bölgədə həm iqtisadi, həm də sosial sabitliyin qorunmasına töhfə verir.

Aprelin 28-də Bakıda, Gülüstan sarayında Ümumdünya Əməyin Mühafizəsi Günü və ilk kollektiv müqavilənin 120 illiyinə həsr olunmuş “Rəqəmsallaşma və süni intellektin iş yerlərinə təsiri” mövzusunda konfrans keçirilib.

Əmək və Əhalinin Sosial Müdafiəsi Nazirliyi, Azərbaycan Sahibkarlar Konfederasiyası və Azərbaycan Həmkarlar İttifaqları Konfederasiyasının birgə təşkil etdiyi Konfransda rəsmi dövlət qurumlarının nümayəndələri, beynəlxalq təşkilatlar, sosial tərəfdaşlar və əmək münasibətləri üzrə beynəlxalq və yerli ekspertlər iştirak ediblər. “Bu mükafatlar bizim üçün təkcə fəxarət deyil, həm də daha böyük məsuliyyətdir. Əməkdaşlarımız üçün sağlam, təhlükəsiz və ədalətli əmək mühiti yaratmaq bizim başlıca məqsədimizdir” – deyə, “Cahan Holdinq”in prezidenti Vüqar Abbasov bildirib.

Bir neçə minədək əməkdaşın çalışdığı “Cahan Holdinq”, əmək münasibətlərində sosial tərəfdaşlığa, şəffaf idarəetməyə və beynəlxalq standartlara əsaslanan yanaşması ilə fərqlənir. Şirkət ISO 9001 beynəlxalq standartına uyğun nizam intizamlı iş şəraitinin təmin edilməsi, əməyin mühafizəsi, təhlükəsiz və sağlam iş şəraitinin təmin olunmasında nümunəvi fəaliyyəti ilə tanınır. Xüsusilə blokada şəraitində yaşayan Naxçıvan Muxtar Respublikasında əhalinin məşğulluğunun artırılması və sosial müdafiəsinin təminində “Cahan Holdinq”in rolu böyükdür. Şirkət bölgədə həm iqtisadi, həm də sosial sabitliyin qorunmasına töhfə verir.

Aprelin 21-də “Cahan İnşaat” MMC-də “İstehsalatda işləyən qadınların hüquqlarının qorunması” mövzusunda maarifləndirici tədbir keçirilib.

Tədbiri giriş sözü ilə açan “Cahan Şirkətlər Qrupu”nun Aparat rəhbəri Azər Cəfərov cəmiyyət üçün sözügedən mövzunun aktuallığına diqqəti çəkmişdir. Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin Ailə, qadın problemləri və gender məsələləri şöbəsinin baş məsləhətçisi Firuzə Hüseynova çıxış edərək bildirmişdir ki, qadınlara edilən güzəştlər və imtiyazlar, müxtəlif ölkələrdə sosial bərabərlik, cinsiyyət bərabərliyi və qadınların hüquqlarını dəstəkləmək məqsədilə tətbiq edilir. Dünyada insan hüquqları, onların müdafiəsi, xüsusilə qadın hüquqları ilə bağlı aparılan tədbirlər bu gün önəmli yerlərdən birini tutur. Azərbaycanda da bu istiqamətdə, xüsusilə qadınların hüquqlarının müdafiəsi istiqamətində intensiv işlər görülür.

Daha sonra Naxçıvan Muxtar Respublikasının Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin əməkdaşı Cavad Cavadov, Naxçıvan Sahibkarlar Konfederasiyasının baş mütəxəssisi Nuray Kərimova, Naxçıvan Dövlət Universitetinin tarix elmləri doktoru, professor Sevinc Abbasova qadınların bərabər hüquqlara sahib olmaları və iş yerlərində qadınlara qarşı ayrı-seçkiliyin qarşısının alınması üçün qanunların mövcud olduğunu iştirakçıların nəzərinə çatdırıblar. Diskussiya şəklində keçən tədbirdə mövzu ilə bağlı videoçarx nümayiş olunub.

Aprelin 16-da Bakıda Milli Biznes İnkişafı Forumu start götürüb. Forumun əsas məqsədi hökumət və biznes arasında dialoqu inkişaf etdirmək, kommunikasiyanı genişləndirmək və ölkə iqtisadiyyatının müxtəlif sahələrindəki təklifləri müzakirə etməkdir. Azərbaycan Respublikasının Rəqəmsal İnkişaf və Nəqliyyat Nazirinin müavini Cavid Qurbanov və digər aparıcı qurumların rəhbərləri çıxışlar etmişdir.

Forumda Azərbaycanın nəqliyyat və rəqəmsal inkişaf sahəsində görülən işlər, həyata keçirilən infrastruktur layihələri və gələcək planlar müzakirə edilib.Qeyd edək ki, forumda “Cahan Şirkətlər Qrupu”nun rəhbər heyəti də iştirak edib.

Aprelin 11-də Bakıda Azərbaycan ilə Moldova arasında iqtisadi əməkdaşlıq üzrə Birgə Hökumətlərarası Komissiyanın 6-cı iclası keçirilib. İclas iki ölkə arasında ikitərəfli əməkdaşlığın inkişaf istiqamətləri, xüsusilə enerji, nəqliyyat, kənd təsərrüfatı, texnologiya transferi və ticarət dövriyyəsinin artırılması məsələlərinə həsr olunub.

Tədbirdə Azərbaycan-Moldova iqtisadi əməkdaşlıq üzrə Birgə Hökumətlərarası Komissiyanın Azərbaycan tərəfindən həmsədri, kənd təsərrüfatı naziri Məcnun Məmmədov və Moldovanın Baş nazirinin müavini, infrastruktur və regional inkişaf naziri Vladimir Bolea çıxış ediblər.

İclasın sonunda Komissiyanın 6-cı iclasının yekunlarına dair Protokol imzalanıb. Sənəddə ticarət dövriyyəsinin artırılması, kənd təsərrüfatı, qida təhlükəsizliyi, energetika, nəqliyyat, elmi-texniki və humanitar sahələr, səhiyyə, mədəniyyət, əqli mülkiyyət, ətraf mühit, idman və turizm kimi müxtəlif sahələrdə ikitərəfli əməkdaşlığın daha da genişləndirilməsi nəzərdə tutulur. Qeyd edək ki, tədbirdə “Cahan Şirkətlər Qrupu”nun rəhbər heyəti də iştirak edib.