Month: İyul 2025

28 Aprel – Ümumdünya Əməyin Mühafizəsi Günü və Naxçıvan Muxtar Respublikasının 100 illiyinə həsr olunmuş Naxçıvanda “İqlim dəyişikliyinin əməyin mühafizəsinə təsiri” mövzusunda konfrans keçirilib.

Konfransda Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli, Əmək və əhalinin sosial müdafiəsi naziri Sahil Babayev, Azərbaycan Sahibkarlar Konfederasiyasının vitse-prezidenti Vüqar Abbasov və digər dövlət nümayəndələri çıxışlar etmiş ve panel müzakirələr aparılmışdır.

Tədbirdə əməyin mühafizəsi sahəsində müsbət təcrübəyə malik işəgötürənlər və əmək-sosial hüquqlar barədə ictimai maarifləndirməyə töhfə verən QHT-lər təltif ediliblər. Təltif edilənlər arasında “Cahan” Şirkətlər Qrupu MMC-nin istehsal sahəsi olan ENNA MMC-nin icraçı direktoru Ruslan Əlimərdanovda var. Təşəkkürnamə Ruslan Əlimərdanova Milli Məclisin deputatı, Əmək və Sosial siyasət komitəsinin sədri Musa Quliyev tərəfindən təqdim edilib.A

Aprelin 25-də sahibkarların iştirak ilə “Gülüstan ” sarayında İqtisadiyyat Nazirliyinin dəstəyi, Kiçik və Orta Biznesin İnkişafı Agentliyinin (KOBİA) və Azərbaycan Sahibkarlar (İşəgötürənlər) Təşkilatları Milli Konfederasiyasının təşkilatçılığı ilə “Sahibkarlar Günü”nə və Azərbaycan Sahibkarlar Konfederasiyasının yaranmasının 25 illiyinə həsr olunmuş “Azərbaycanın sosial-iqtisadi inkişafının yeni dövrü ” adlı konfrans keçirilib. 

Konfransda iqtisadiyyat, əmək və əhalinin sosial müdafiəsi nazirləri, Milli Məclisin deputatları, aidiyyəti dövlət qurumlarının, sahibkarların ictimai birliklərinin nümayəndələri, eləcə də müxtəlif sahələrdə fəaliyyət göstərən iş adamları iştirak ediblər. Əvvəlcə Konfrans iştirakçıları Fəxri Xiyabanda Ümummilli Lider Heydər Əliyevin məzarını ziyarət edib, xatirəsini ehtiramla anaraq abidəsi önünə əklil qoyublar.

Konfrans öz işinə Azərbaycanın Dövlət himninin səslənməsi və Azərbaycanın ərazi bütövlüyü uğrunda canından keçmiş şəhidlərimizin əziz xatirəsinin birdəqiqəlik sükutla yad olunması ilə başlayıb. Konfransda iqtisadiyyat naziri Mikayıl Cabbarov (video müraciət), əmək və əhalinin sosial müdafiəsi naziri Sahil Babayev, iqtisadiyyat nazirinin birinci müavini Elnur Əliyev, KOBİA-nın İdarə Heyətinin sədri Orxan Məmmədov, Azərbaycan Sahibkarlar (İşəgötürənlər) Təşkilatları Milli Konfederasiyasının prezidenti Məmməd Musayev, “Hünər Qrup” şirkətinin təsisçisi və baş direktoru Ehtiram Quliyev çıxış ediblər.

Çıxışlarda ölkəmizdə bazar münasibətləri prinsipləri əsasında iqtisadiyyatın, o cümlədən özəl sektorun formalaşması və inkişafında Ulu Öndərin rolu, bu siyasətin Azərbaycan Respublikasının Prezidenti cənab İlham Əliyevin rəhbərliyi ilə uğurla davam etdirilməsi, özəl sektorun inkişafı, sahibkarların sosial rifah və məşğulluqda rolu, kiçik və orta biznesin inkişafının prioritetliyi, dövlət-özəl dialoqunun əhəmiyyəti barədə məlumat verilib.

Tədbirdə sahibkarlığın inkişafına və ASK-nın 25 illiyinə dair filmlər nümayiş olunub, dövlət-özəl dialoqunun inkişafına verdiyi töhfələrə görə bir qrup sahibkar mükafatlandırılıb. Mükafatlandırılanlar sırasında Azərbaycan Sahibkarlar Konfederasiyasının vitse-prezidenti Vüqar Abbasovda var.

Konfransın sonunda Prezident İlham Əliyevə konfrans iştirakçıları adından müraciət qəbul olunub.

Tədbir bədii hissə ilə başa çatıb.

06 aprel 2024-cü il tarixində Naxçıvan Baş Gömrük İdarəsində Naxçıvan Muxtar Respublikasının Sahibkarlar Konfederasiyası sədri və üzvləri, eləcə də digər xarici ticarət iştirakçıları və gömrük təmsilçiləri ilə görüş keçirilmişdir.

Tədbirdə açılış nitqi edən Naxçıvan Baş Gömrük İdarəsinin rəisi, gömrük xidməti general-mayoru Vüqar Əliyev gömrük nəzarətinin risklərin avtomatlaşdırılmış idarə edilməsi sistemi vasitəsilə həyat keçirilməsinin, malların və nəqliyyat vasitələrinin gömrük sərhəd buraxılış məntəqələrindən keçidinin sürətləndirilməsinin, gömrük qaydalarına könüllü riayət edən şəxslərə əlverişli şərait yaratmaqla sahibkarlıq fəaliyyətinin stimullaşdırılmasının və məmur-vətəndaş təmasını minimuma endirməklə şəffaflığın artırılmasının təmin edilməsindən danışmışdır.

Daha sonra Naxçıvan Muxtar Respublikası Sahibkarlar Konfederasiyasının sədri Vüqar Abbasov çıxış edərək bildirmişdir ki, son dövrlərdə gömrük işində xidmət səviyyəsinin və keyfiyyətinin artırılması istiqamətində aparılan yeni islahatlar sahibkarların da işlərinin asanlaşmasına müsbət töhvələrini vermişdir.

Naxçıvan Baş Gömrük İdarəsi rəisinin müavini, gömrük xidməti kapitanı Rəşad Bayramov “Gömrük İNKİŞAF Modeli” haqqında danışmış, “Gömrük İNKİŞAF modeli” 7 əsas komponenti, tətbiq edilən, icrası davam edən və planlaşdırılan layihələr haqqında geniş izah vermişdir. Ardınca “Smart-Bot” mobil tətbiqi haqqında danışaraq, tətbiqin vətəndaşlara 24 saat xidmət edən elektron gömrük bələdçisi olduğunu qeyd etmişdir. Sonra hər iki yeni layihəyə aid videoçarxlara baxılmışdır.

Naxçıvan Baş Gömrük Idarəsinin Rəsmiləşdirmə mərkəzinin rəisi, gömrük xidməti kapitanı Rza Rzalı Yaşıl Dəhliz Buraxılış Sistemi haqında çıxış edərək onun məqsədi və üstünlüklərindən danışmış, sahibkarları bu sistemdən istifadəyə dəvət etmişdir. Naxçıvan Baş Gömrük Idarəsinin Əməliyyat və İstintaq İdarəsinin Təhqiqat şöbəsinin rəisi, gömrük xidməti kapitanı Heydər Səmədli gömrük rəsmiləşdirilməsi zamanı aşkarlanmış hüquqpozma faktları barədə məlumatlar vermişdir.
Sonda iştirakçıları maraqlandıran suallar cavablandırılmışdır.

Görüşdə çıxış edən NDU-nun sosial məsələlər və ictimaiyyətlə əlaqələr üzrə prorektoru Arzu Abdullayev “Cahan Holdinq” Şirkətlər İttifaqının prezidenti, Naxçıvan Muxtar Respublikasının Sahibkarlar Konfederasiyasının sədri Vüqar Abbasov haqqında məlumat verib, ali təhsil ocağı ilə “Cahan Holdinq” Şirkətlər İttifaqının birgə əməkdaşlığına nəzər salıb.

Qeyd olunub ki, uzun illərdən bəri davam edən əməkdaşlıq nəticəsində şirkətlə birgə xüsusi layihələr icra olunub. Prorektor son günlərdə “Cahan Holdinq” Şirkətlər İttifaqı ilə imzalanan müqavilənin əməkdaşlığı daha da inkişaf edirəcəyinə əminliyini ifadə edib.

Arzu Abdulayev Vüqar Abbasovun tələbələr ilə görüşünün xüsusi ilə əhəmiyyətli olduğunu qeyd edib. Cahan Holdinqin təsisçisi, Naxçıvan Sahibkarlar Konfederasiyasının sədri Vüqar Abbasov qeyd edib ki, dövlət orqanları, qeyri-hökumət təşkilatları, müvafiq idarə, müəssisələr universitetlərə dəstək olmalıdır.

“Cahan Holdinq” Şirkətlər İttifaqının prezidenti Vüqar Abbasov “Cahan Holdinq” Şirkətlər İttifaqının yaranma tarixi və fəaliyyət sahələri haqqında tələbələrə geniş məlumat verib, şəxsi təcrübələrini, öz biznesini qurmaq üçün müasir dövrdə tələb olunan meyarları iştirakçılarla bölüşüb.
Tədbir diskussiya şəklində davam edib, tələbələrin sualları Vüqar Abbasov tərəfindən cavablandırılıb.

Naxçıvan Dövlət Univerisitetinin rektoru Elbrus İsayev  ali təhsil müəssisəsinin fəaliyyəti barədə geniş məlumat verib. Rektor bildirib ki,  ənənəvi olaraq Naxçıvan Muxtar Respublikası  Sahibkarlar Konfederasiyası və “Cahan Holdinq” KŞİ maddi və mənəvi olaraq tələbələrə hər zaman dəstkək olmuşdur. Tələbələrin beynəlxalq layihələrdə iştirakını dəstəkləmiş, onlara maddi və mənəvi dəstəyi hər zaman diqqət mərkəzində saxlamışdır.

Sonra Naxçıvan Muxtar Respublikası  Sahibkarlar Konfederasiyasının sədri,  “Cahan Holdinq” KŞİ-nin təsisçisi Vüqar Abbasov qeyd edib ki, ölkədə aparılan islahatların əsas məqsədlərindən biridə  yerli peşəkar kadrların yetişdirilməsi, gənclərin yerli müəssələrdə öz layiqli yerlərini tutmasıdır. Bu istiqamətdə həyata keçirilən tədbirlərdə tələbələr də onlar üçün yaradılan əlverişli şəraitdən səmərəli istifadə etməlidirlər. Daima öyrənməyə, təcrübə toplamağa çalışan gənclər peşəkar kadr kimi formalaşaraq iqtisadi inkişafa böyük təsir göstərir.   

Daha sonra Naxçıvan Dövlət Univerisiteti ilə    Naxçıvan Muxtar Respublikası  Sahibkarlar Konfederasiyası,  “Cahan Holdinq” KŞİ arasında birgə əməkdaşlığa dair memorandum imzalanıb. Memorandumda ali təhsil müəssisəsi ilə  Naxçıvan Muxtar Respublikası  Sahibkarlar Konfederasiyası və “Cahan Holdinq” KŞİ arasında əməkdaşlığın genişləndirilməsi, İqtisadiyyat fakültəsi üzrə təhsil alan tələbələrin Naxçıvan Sahibkarlar Konfederasiyası və “Cahan Holdin” KŞİ ilə geniş miqyaslı layihələrə, təlimlərə və təcrübə proqramlarına qoşulmaları, əməkdaşlıq çərçivəsində elmi-praktiki konfransların, seminarların, təlim və kursların, motivasiya edici görüşlərin təşkili öz əksini tapıb. Univerisitetdə yaradılacaq Texnoparkda “Cahan Holdinq” KŞİ ilə iş birliyi çərçivəsində bir sıra tədbirlərin həyata keçirilməsi və təhsil ocağının akademik potensialın birləşdirilməsi nəzərdə tutulub.

Sonra  Naxçıvan Dövlət Univerisitetinin rektoru Elbrus İsayev  Naxçıvan Muxtar Respublikası  Sahibkarlar Konfederasiyasının sədri, “CahaHoldinq” KŞİ-təsisçisi Vüqar Abbasova hədiyyələr təqdim edib.