18–20 sentyabr tarixlərində Almaniyanın Dortmund şəhərində keçirilən dünyanın ən böyük tütün sərgilərindən biri olan “InterTabac 2025”-də “Cahan Tobacco International” artıq üçüncü dəfə iştirak etdi. Şirkət “Made in Azerbaijan” markası altında yerli istehsal olan siqaretlərini təqdim edərək, ziyarətçilərin və ixracatçıların böyük marağı ilə qarşılandı. Bu ilki sərgidə dünyanın müxtəlif ölkələrindən – İtaliya, Böyük Britaniya, Almaniya, BƏƏ, Ukrayna, Polşa, ABŞ, Serbiya və Monqolustan kimi bazarlardan olan tərəfdaşlar şirkətin məhsullarına xüsusi maraq göstərdilər. Bu istiqamətdə artıq ilkin danışıqlara başlanılıb. “Cahan Tobacco International” olaraq biz ixrac potensialımızı gücləndirmək, ölkəyə valyuta axınını artırmaq və yerli iqtisadiyyata dəstək olmaq məqsədilə beynəlxalq sərgilərdə fəal iştirak etməyə və “Made in Azerbaijan” brendi ilə ölkəmizi dünya bazarlarında layiqincə təmsil etməyə davam edəcəyik.