20 Yanvar faciəsinin 36-cı ildönümü ilə əlaqədar “Cahan Şirkətlər Qrupu” nun əməkdaşları Şəhidlər xiyabanını ziyarət ediblər. Ziyarət zamanı Vətənimizin müstəqilliyi və azadlığı uğrunda canlarından keçmiş şəhidlərin əziz xatirəsi dərin ehtiram və hörmətlə yad olunub, məzarları önünə gül dəstələri qoyulub, ruhlarına dualar oxunub.

20 Yanvar hadisələri Azərbaycan xalqının azadlıq yolunda göstərdiyi qətiyyətin və milli birliyin rəmzi kimi yaddaşlara həkk olunub. Bu tarixi gün xalqımızın mübarizə ruhunu yaşadaraq, şəhidlərin müqəddəs xatirəsinə hər zaman böyük hörmət və ehtiram göstərilməsinin önəmini bir daha ön plana çıxarır.