4 Noyabr 2025-ci ildə İran İslam Respublikasının fövqəladə və səlahiyyətli səfiri Müctəba Dəmirçilu “Cahan Şirkətlər Qrupu” MMC-ni ziyarət edib.

Görüşdə İran İslam Respublikasının Naxçıvandakı baş konsulu Əziz Mənsuri və “Cahan Şirkətlər Qrupu” MMC-nin rəhbər heyəti iştirak edib. İclas zamanı Naxçıvan Muxtar Respublikası ilə İran İslam Respublikası arasında xarici ticarət əlaqələrinin inkişafı, biznes subyektləri və xarici ticarət iştirakçıları ilə B2B görüşlərin keçirilməsi mövzuları müzakirə olunub.

Səfir onu da qeyd edib ki, Naxçıvanın ikitərəfli əlaqələrdə çox mühüm rolu var.
Görüşün sonunda “Cahan Şirkətlər Qrupu” MMC-nin təsisçisi Vüqar Abbasovun adından İran İslam Respublikasının fövqəladə və səlahiyyətli səfiri Müctəba Dəmirçiluyə xatirə hədiyyəsi təqdim olunub.